Taipei 2013 Day 5

by 12:06:00
最後一日喇。因為我地搭夜晚7 點機,仲有大把時間玩 ~ 嘿嘿

第一站係去<阜杭豆漿>食早餐,哩間<阜杭豆漿>在網絡上很有名,隨便 GOOGLE 一下都有好多相關介紹,咁點都要試一試啦。

<阜杭豆漿>為於華山市場,搭捷運到善導寺站5號出口,上到地面向前行到轉角位你就應該見到人龍喇,跟住指示......排隊......等.......。

我地當日去到又唔係十分多人,大約等幾個字就上到去。上到去其實就等同香港街市內的熟食市場,買完野食自己搵位坐。<阜杭豆漿>只做早市,營業時間只到中午12點半 (要食就請早喇)。我叫了一個厚燒蛋餅,呆太太本來係叫蔥花咸餅,但佢地俾錯焦糖甜餅... 個餅其實普普通通無咩特別,但個豆漿我個人覺得就幾好味喇。哩次亦都係我第一次食哩類中式豆漿早餐。


Taipei 2013 Day 4

by 12:05:00
今日主要行程係去<上引水產>同<大碗燒肉> ....

我地早餐都無食,十一點就搭的士去<上引水產>喇。網上面有好多對<上引水產>唔同的評價,有人話好食、有人話唔好食。無論好食定唔好食,有一樣好肯定,就係好多人 !!!


Taipei 2013 Day 3

by 12:04:00
一早起身就係為了落樓下食酒店 buffet breakfast,哩個早餐都幾好味,唔錯。但因為 10 點半就無,而我地又唔會咁早起身,所以住咁多日我地只係食過一餐咁大把 (蝕晒.......)。

食物選擇都幾多,有中式有西式 .... 粥、飯、煎蛋、炒蛋、奄列、橙汁、奶茶、咖啡 .... 咩都有。而咖啡仲有好幾款選擇添,唔錯 !!


Taipei 2013 Day 2

by 12:03:00
第二日行程係一早起身去食燒肉 ~~

<田季有間客棧> 位於捷運劍南路站,即係美麗華摩天輪那一個站。由捷運行過去大約8分鐘咁上下啦,哩間 <有間客棧> 的裝修係以重現六、七十年代為主題,有D似好耐世紀尖東有間 buffet (唔記得叫咩名 lu,即係而家尖東翠華樓上)。價錢唔貴同任飲任食 (台灣叫吃到飽) 係佢重點,但最特別之處係佢會有步驟教你點樣燒,最抵死係佢燒多春魚的方式,真係超搞野同超成功。哈哈 .......

Taipei 2013 Day 1

by 12:01:00
5月9日一早搭的士去機場,8點零5分機,唔知點解當日的地勤人員會咁好效率,我地去到閘口已經 final call,連最重要的出發顯示屏都無影就要拿拿聲上機。

戲都無套睇下就到台北機場喇 ...... 入境後先去右手邊電訊櫃台買張 sim 咭先,我地好好彩唔駛排隊,好快手就出到張 "台灣大哥大" 5 days 無限上網 3G 咭 (有關台灣上網咭,請看哩個 post),之前見網上 D 人話要排大隊先出到咭 ....... 我地又唔駛喎 ..... 呵呵 ~


台灣流動上網資訊

by 12:00:00








(as at May 2013)


Powered by Blogger.