布吉 5 天遊 Day 4 : Hea ...

十一月六日...

黎到布吉的第四天...
之前玩咗兩日...所以今日全天候會喺酒店 HEA!!
十點幾先食早餐...
每日咁樣...對住個海...吹住海風...有 D 太陽哂住溫暖住...
嘩...真係好舒服...好正~
已經開始唔捨得走...

今日多左好多豆袋...

今天的早餐 - 太陽蛋 + 腸仔!

食完早餐...坐吓 hea 吓哂吓太陽~

食完早餐...
同呆生行吓海灘，執吓貝殼...
散吓步...睇呢睇路...
去吓泳池游吓水哂吓太陽...
番去 VILLA 又 HEA 吓游吓水哂吓太陽...
唉...D 咁 RELAX 既生活...真係令我太過唔想番去現實世界!!!

海灘望番上去我地間酒店...

好藍的天...好肥的呆太太...

好舒服呢...~

酒店周圍都種滿呢 D 植物...呆生話係辣椒...short short 地!

到到四點幾我地就行咗出去酒店出面逛吓...
其實酒店出面都幾多野食...
不過可能我地行出去嗰陣係人地「落場」時間卦...
所以好似間間都拍緊「烏英」咁...

又食...

其實個早餐真係飽到四點都未落格...
行到出去呆生又話點都要食 D 野...
是但求其食咗個炸豬扒薯條...
跟住就去咗海邊做 massage...
一定冇 OASIS SPA 咁 PRO 咁乾淨...
但係好平囉...
好似都係 300 BATH 1 個鐘...

黃昏...

呢張邊度影架?

做完 massage 又番酒店喇...
番到去...好明顯又死去餐廳個 free cocktail 啦哈哈哈...
又呃野飲...
飲完我又出咗去酒店隔離嗰間 massage shop 做咗一個鐘頭腳底按摩...
哈哈...係呀...又做...
不過今次我自己去...

八點幾呆生黎接我...
跟住我地就去食飯喇...
好彩今晚 D 露天雅座 FULL 哂...
我地迫住坐有瓦遮頭的方地方...
因為...坐咗都冇一陣.....
就落好大好大的雨...
又好大好大的風...
跟住仲全酒店停電...
哈哈哈...非常之咁得人驚...

食呢餐飯前前後後停咗三次電...
食飽飯番到 VILLA 都停咗一次...
好彩係夜晚先落雨啫~~~

PS: 唔記得講...
VILLA 入面個 mini bar 係 free 的...
日日都會有人同你 refill...
呆生就每日都飲哂人地 D 啤酒...!!!

- 第四日完 -